هيه يادربي الطويل

هيه يا دربي الطويل ولو تمنيتك سعـادة
عارفك ما تنتهي بي كود في عكــــس أمنياتي

إيه أبكي ليه لا واليأس فيني صار عادة
عادي إني أتمنى اليوم هو آخـــــــــــــر حياتي

يا زماني والهوى كنت أحسبه سكر زيادة
ما عرفته لين صار بعمري أكبر مشكـــــــلاتي

البلا لا صرت راضي فيه لو إنه نكـــــادة
وإن عصيت أتوب عنْه لو يســــــبب لي وفاتي

وينه النسيان والذكرى تجي فوق الإرادة
فين حظي ما يساعدني أقوم أجمــــــــــع شتاتي

عاشقٍ والعاشق ليا صار صادق في وداده
صار مثلي وافيٍ لو بالــــــــــــــوفا فقدان ذاتي

الحكاية ما تبي عقب الحكي شرح وإعادة
واضحة في نظرة عيونــــــــي ونبرة مفرداتي

حب لا إعجاب لا مجهول ما عنده شهادة
ما عرفه لكن أشوفه يظهر ويقـــــــفي ويأتي

حلم لكن عيب قلبي يوم طوّل في رقاده
لو صحا يمكن معاه أفز وأخرج عن سكــــاتي

ليل مدري وش تجنن بي بصمته وبسواده
رغم إحساسي بأنه غربتي ولا ممــــــــــــاتي

ليه يا دربي الطويل ليا تمنيتك سعـــــــادة
ما وصلني منك إلا حاجةٍ عكس أمنيــــــــاتي

منقول

انتضر الردود